May mga bagay na di mapakali sa
kalaliman ng gabi -
Butil ng luha na kumakatok sa
buko ng bulaklak, upang sa umaga'y
may talulot na mahihimlayan
Panaginip na bumubula sa bibig ng
bote ng sampan,
Bangungot na kumakalog sa loob ng
mapait na kapsula
Bukal ng kabataan na bumubulwak sa bawat
paghilik, patingkayad na nililisan ang
katawang pinagsibulan
Mga pilantik ng dilang umuukit ng panalangin
sa hubad na pader
At ngayong gabi, isang kaluluwa ang
magpapanggap na payaso, dala ang
lahat ng ito
Magpapalaot siya sa liwanag ng buwan
Ipagpapalit ang nasabing bagahe ng buhay,
katumbas ng isang kaputol ng lubid.
02 june '05
6.20 pm
No comments:
Post a Comment